Приложение: Извлечения из комиссионного списка 15 века Новгородской Первой летописи

          А се князи великого Новагорода:

          А се в Новегороде: первый князь по крещении Вышеславъ, сынъ Володимерь. По немь брать его Ярославъ, и володяше землею, и идя Киеву, и посади в Новегороде Коснятина Добрыничя. И родися у Ярослава сынъ Илиа, и посади в Новегороде, и умре. И потом разгневася Ярославъ на Коснятина и заточи и, а сына своего Володимера посади в Новегороде. И писа грамоту Ярославъ, ркя: по сей грамоте ходите. По преставлении Володимере в Новегороде Изяславъ посади сына своего Мьстислава, и победишя на Черехи, бежа Киеву, и по взятьи града преста рать. И посади Святославъ сына своего Глеба, и выгнашя из града, и бежа за Волокъ, и убишя и Чюдь. А Святополкъ седе на столе, сынъ Изяславль, иде Киеву. И приела Всеволод внука своего Мьстислава, сына Володимеря; и княживъ 5 лет, иде Ростову; а Давыд приде Новуграду княжить и двою лету выгнашя и. И приде Мистиславъ опять, и седе в Новегороде 20 лет, и иде Киеву къ отцу и седе на столе отне, а в Иовегороде посади сына своего Всеволода, н селе Всеволод 20 лет, и выгнашя и; и въвецоша Ростислава Юрьевичя, и иъиедошя Святослава опять, сына Олгова, и бежа из града; и въведоша Ростислава опять, сына Юрьева. И по мале времени приде Святополкъ, и показашя путь Ростиславу, а Святополкъ седе на столе, и седе лето; и позва и братъ Изяславъ в Русь, а сына своего приела Ярослава, и тъ седев лето, выгнашя и новгородци и въведошя Ростислава Мьстиславичя; и седев лето едино, и иде в Русь, оставивъ Давыда, сына своего, и тому показаша путь по немъ; и въведошя Мьстислава Юрьевича, и седе 2 лета и месяц, и выгнашя и; и въведошя Ростислава опять ис Смоленьска, и посади сына своего Святослава, и самъ иде Киеву на столъ; и выгнашя Святослава, и въведоша Мьстислава Юрьевича внукъ, Ростиславичь, и тъ седевъ год от года, и выведе строи волею; и въведоша опять Ростиславичя Святослава, и бежа из града; и въведошя Романа Мьстиславичя, Изяславль внук; и по том седе Рюрикъ Ростиславич; и потом седе Юрьи Андреевич; а по Юрьи Святославъ Мьстиславичь, Юрьев внукъ; а по том отець его Мстиславъ Безъокыи; а по том Красный Ярославъ, внукъ Юрьевъ; а по том опять Безъокыи, и тъ преставися; и въведошя с Торъжьску брата его Ярополка и по сем Бориса Романовичя; и по Борисе прииде отець его Романъ Ростиславичь; по том братъ его Мьстиславъ Храбрый Ростиславичь; и по Мьстиславе Володимеръ Святославич; и по том отець Святославъ, Олговъ внукъ; по Святославе Ярославъ Володимеричь, своякъ Всеволожь; по семъ Мстиславъ Давыдович; по сем опять Ярославъ; и по семь въведошя Ярополка Ярославичя, Олговъ внукъ, по сем въведошя опять с Нового торгу Ярослава Володимеричя, своякъ Всеволож; по семь въведошя Святослава, сынъ великого Всеволода, внукъ Юрьевъ; и по сем вда Всеволод сына своего стареишаго Констянтина, и Костянтина выведошя; опять дасть Святослава; и въеха Мстиславъ Мстиславичь в Торжекъ и въведошя и в Новъгород; по семь Ярославъ Всеволодичь; и опять Мьстиславъ Мьстиславичь; и по сем Святославъ Мстиславич, Романовъ внукъ; и по семь братъ его Всеволод; и по семь Всеволод Юрьевич, внукъ Всеволожь; и опять Ярославъ Всеволодичь; и опять Всеволодъ Юрьевич; и по семь Михаило Всеволодичь, Олгов внук; и опять Ярославъ Всеволодичь; и опять Михаило Всеволодич; и посадивъ сына своего Ростислава на столе, а самъ Чернигову; и опять Ярославъ ВсеволоДичь; и по немъ сынъ его Александръ Храбрый; и по немъ братъ его Андреи; и опять Александръ; по сем Ярославъ Ярославич; по томъ Дмитрии Александрович, и тъ седев 3 месяци, выиде из града; и по семь Василии Ярославич; по семь, Аньдреи Александрович; и по семъ Михаило Ярославич, и тъ седевъ 3 месяци и неполны, выиде из града; и по сем Юрьи Данилович, внукъ храбраго Александра; и по семъ Дмитрии Михаилович; и по Дмитрии братъ его Александръ; по сем Иванъ Даниловичь; по том Семеонъ, сынъ его; по том Иоаннъ, сынъ его другыи; по семь Дмитрии Конетянтиновичь; Дмитрии Ивановичь; сынъ его Василии.

          А се посадници новгородские:

          Гостомысл, Коснятин, Остромиръ, Завид, сынъ его Дмитръ, Петрята, Коснятинъ, Нинонегъ, Сава, Улебъ, Гюрята, сынъ его Мирославъ, Микула, сына его два: Петръ Костянтинъ, Добрына, Костянтинъ Моисеевич, Борис, Завид Дмитриевич, Данило ис Киева, Иванко Павловичь, сынъ его Судило, Якунъ Мирославич, Нежата Твердятичь, Озариа Фефилакович, Захариа, сынъ его Иванко, Якунъ, сынъ его Дмитръ, Жирославъ, Завид Невероничь, Михалко Степанич, два сына его: Твердиславъ, Феодоръ, Мирошка Нешаничь, сынъ его Дмитръ, Юрьи Иванковичь, Семснъ Борисович, Иванко Дмит-рович, Внездъ Водоиикт., Степана Твердиславич, сынъ его Михалко, Сбыслань Якумкопич, Онаниа Фефилато-вичь, Михаилъ Фёдорович, сьжъ его Семенъ, Павшя Онаньинич, Микита Григорьевич, Михаило Мишиничь, братъ его Георгии, Валфромси Юрьевич, Федор Ахмыл, Михаило Павшиничь, сынъ его Захарии, Оицифоръ Лукиничь, сынъ его Юрьи, Матфеи Валфромеевич, сынъ его Микита, Федоръ Юрьевич, сынъ его Василии, Яковъ Хотовъ, Еустафии Дворянипсчь, брат его Александръ, Иоаннъ Семенович, брат его Александръ, Ионъ Федорович, Федоръ Данилович, брат его Михаило Юрьи Иванович, брат его Василии, Андреанъ Захарьевич, братъ его Есифъ, Селивестръ Лентеевъ, Григорий Якуновъ, Федоръ Тимофеевич, Богданъ Обакунович, сынъ его Григории, Тимофеи Юрьевич, братанъ его Александръ Фоминичь, Есифъ Фалелеевич, Юрьи Дмитриевич, Иоаннъ Александровичь, братанъ его Фома Иванович, Кюрило Андреанович, Фома Есифовичь, Кирило Дмитриевичь, Иоаиъ Данилович, Иван Богданович, Борисъ Васильевичь, Семенъ Васильевичь, Василии Есифович, Пшатьевич, Яковъ Федорович, брат его Иоаннъ и Афанасии, Михаило Мотуричинъ, Василии Микитиничь, Афанасии Мсифович, ТимоФеи Васильевич, братъ его Василии, Иванъ Иевличь, Козма Терентеевич, Федор Гаврилович, Иванъ Данилович, Семен Васильевичь, Иванъ Яковличь, Аврамь Степанович, Михаило Оньньинич, Василии Фоминич, Григории Данилович, Филиппъ Фоминичь, Артемии Петровичь, Захарии Кюриловичь.

          А се русьстии митрополити:

          Леонтии, Михаилъ, Иоан, Феопементъ, Ларион, Ефремъ, Георгии, Иоаннъ, Иоан, Никола, Никифоръ, Афанасии, Феодоръ, Никита, Михаилъ, Костянтинъ, Иоан, Никифоръ, Гаврилъ, Дионисии, Матфеи, Кирилъ, Есифь, Кирилъ, Максимъ, Петръ, Феогностъ, Алексии, Дионисии, Пиминъ, Киприанъ, Фотии, Гарасимъ.

          А се новгородский епископы:

          Акимъ Корсунянинъ бе въ иепископьстве лета 42; и бе въ него место ученикъ его Ефремъ, иже насъ учяше. Лука Жидята бысть епископомъ лет 23; положенъ за святою Софьею в Новегороде; а преставися, едя с Киева, на Копысе, октовриа месяця въ 15. А Стефана в Киеве свои холопе удавишя; бе въ иепископьи 8 лет. А Феодора свои песь уяде и с того умре; бе въ иепископьи лет 9. А Германъ преставися въ Киеве; бе епископом 18 лет. А Никита преставися месяца генуаря въ 30, и положенъ бысть въ Новегороде, въ святей Софии, въ пределе святую праведнику Акима и Анны; бе въ иепископьи 13 лет. Иван Попьянъ, седевъ 20 лет, отвержеся архиепископья; сего не поминают. А Нифонтъ преставися въ Печерьском манастыре априля въ 21; бе епископомъ 25 лет. Аркадии преставися септября въ 19, положенъ в Новегороде, въ притворе святыя Софиа; бе въ иепископьи 8 лет.

          А се архиепископи:

          Илиа преставися септября въ 7 и положенъ бысть въ притворе святыя Софиа, бывъ въ архиепископьстве лет 21. А Гаврил, брат его, преставися мая въ 24 и положенъ бысть тужде подле брата; бе въ святителстве 6 лет. А Мартурии Рушанинъ преставися на озере Серегере, едя въ Володимерь; и положенъ бысть у святей Софии, въ притворе стороннем; бе въ владыкахъ 6 лет. А Митрофан бе святителемъ лет 11; заточенъ бысть в Торопець. А Антонии бе владыкою 8 лет, и дасть ему епископью в Перемышле митрополит. А Митрофан опять бе владыкою 3 лета и 4 месяци, и преставися июля въ 3, и положенъ бысть въ святей Софии, въ притворе. Того же дни въведошя въ дворъ Арсениа черньца с Хутина, и бе 2 лета. И опять Антонии бе 3 лета, и съиде на Хутино. И опять Арсении седе въ дворе въ владычне. И той осени наиде дождь великъ день и нощь, на Гос-пожинъ день оли и до Николина дни. Тогда диаволъ, завидевъ ему, зане проганяшеть его нощнымъ стоаниемъ, пениемъ и молитвами, и ваздвиже на Арсениа, на мужа кротка и смирена, крамолу велику, простую чядь, и створше вече на княже дворе, пришедше на владычнь дворъ, и рекошя Арсению: тебе деля стоить тепло долго, выпровадилъ еси владыку Антониа на Хутино, а самъ селъ, давъ мъзду князю Ярославу Всеволодичю; а намъ нелзе ни сена добыти, ни уделати. И заутра въ дворъ опять Антониа архиепископа, и седеиъ 2 лета, и разболеся велми, и онеме на Алексеевъ день, быстъ в болезни той не глаголя лет 6 и месяць 7 и 9 днии, и преставися, и положенъ бысть у святей Софии, в притворе. А Спиридонъ бысть архиепископомъ 20 летъ; положенъ бе у святей Софии. А Далматъ поставленъ бысть владыкою митрополитом Кирилом и епископомъ ростовьскимъ, в Новегороде; а преставися октовриа въ 21; бе святителем 20 и 3 лета. А Климентъ мая в 22 преставися; бысть въ архиепископьи лет 23; тело его положено бе въ притворе святыя Софиа, от владычня двора. А Феоктиста постави митрополитъ Максим в Новегороде въ владыкы съ епископы: Семеон Ростовский, Андреи Тферьскыи; и жит лет 8, и иде въ манастырь святыя Богородиця къ Благовещению; и бысть 3 лета, и преставися декемвриа въ 23, и положенъ бе въ церкви святыя Богородиця. А Давыдъ бе владыкою 17 лет, и преставися, и положишя и нъ притворе у святей Софии, подле Климентия. А Мосеи бывъ владыкою лет б, и съиде съ владычьстна в манастырь на Коломци, и пострижеся въ скиму, и бе въ манастыри 20 летъ. А Василии поставленъ бысть владыкою митрополитом Феогностом в Волыньскои земли, в Володимере, а с нимъ владыкъ 5: Григории Полочкыи, Афанасии Володимерьскыи, Феодоръ Галичьскыи, Марко Перемыщльскыи, Иоан Холмъскыи и преставися едя изъо Пъскова, на реце на Юзе, месяця июля въ 3 и привезеше и в Новъгород, положиша и у святей Софьи, въ притворе болшемъ; а святителемъ бе лет 21 и 4 месяци и 2 дни. Того же лета пакы въведошя Моисея архиепископа на свои ему столъ, и преставися генуариа въ 25, и положишя и у святого Михаила на Сковоротке; бе владыкою 8 лет. А Алексии преставися месяця февруариа въ 3, и положенъ бысть въ монастыри на Деревяници, у церкви святого Въскресениа, въ притворе, бывъ въ святительстве 30 лет безъ лета и безъ 5 месяць. А Иван преставиея месяца июня въ 24 въ манастыре на Деревянице, и положен бысть у церкви святого Въскресениа въ притворе, бывъ въ архиепископьи 30 лет без 3 лет. А Семеон преставися месяця июня въ 15, бывъ въ святительстве 5 лет и 3 месяци безъ 5 днии, а всего 6 лет безъ дву месяць и безъ 4-хъ днии, и положенъ бысть въ притворе Мартурьевьскомъ у святей Софии.

          А се архимандриты новгородскыи:

          Кириакъ, Стефанъ, Лазорь, Исаиа, Ефремъ, Дионисии, Мартурии, Феоктистъ, Варламъ, Далматъ, Арсении, Козма, Иоан, Макареи, Тарасеи, Лаврентии, Иоан, Аврамии, Есифь, Никифоръ, Сава, Григории, Харитонъ, Юрьи, Борисъ, Давыдъ, Ермола, Парфении, Нефедеи, Варламъ, Семеон, Михаило, Маркианъ, Нафанаилъ, Саватии, Дионисии.

Архив Ленинградского отделения
Института истории СССР
Академии наук СССР

Примечание:

          Список князей кончается на Василии Дмитриевиче, ставшем великим князем в 1389 г. и умершем в 1425 г. Список митрополитов завершается Герасимом — киевским (литовским) митрополитом, упоминаемом в Новгородской I летописи под 1434 годом. Симеон, чье имя завершает список архиепископов, умер 15 июня 1421 года.

«Закат боярской республики в Новгороде. К Москве хотим» Ю.Г. Алексеев. Лениздат 1991